Novedades en 2020 (II) - Venda de equipos reacondicionados

A segunda novedade do que vai de ano ten unha historia detrás: 

Unha das nosas clientas tivo un percance co seu portatil, que deixou de funcionar de súpeto. Tras facer valoración da reparación, decidiu que non lle compensaba (tratábase dun equipo antigo), e solicitounos orzamento para un novo equipo. Despóis de botar unha ollada ao mercado, demos en consultar a varios provedores de equipos reacondicionados: equipos que xa tiveron unha primeira vida, e que foron recollidos e postos a punto para garantir o seu perfecto funcionamento. 

Pois ben, de entre tódalas opcións, a nosa clienta decidiuse por un equipo reacondicionado. Contactado o provedor, e logo de recibir o equipo, tanto nos como ela quedamos satisfeitos das condicións e prezo do produto, que por certo, conta con un ano de garantía. Tanto é así que confiamos en poder repetir a experiencia. 

É dicir, entramos de cheo no mundo da revenda de equipos informáticos reacondicionados!.

E para ir abrindo apetito, de agora en diante iremos publicando no noso Facebook as ofertas máis suculentas que vaiamos recibindo dos nosos provedores. 

Estade atentos ás vosas pantallas!